Igicumbi cy’Ubunyarwanda ni Igicumbi cy’Intwari z’Iguhugu z’Imena z’i Nyange. Ku Ishuri ryisumbuye ry’i Nyange hahawe izina ry’Igicumbi cy’Ubunyarwanda bitewe n’ubutwari abari abanyeshuri bo mu mwaka wa gatandatu n’uwa gatanu bagaragaje mu mwaka wa 1997.

Mu ijoro ryo ku wa 18 Werurwe 1997, Ishuri ryatewe n’abacengezi bari bakigendera ku ngengabitekerezo ya Jenoside. Abacengezi bategetse abanyeshuri kwitandukanya bagendeye ku byiswe amoko; abanyeshuri barabyanga, basubiza abo bacengezi bagira bati: “Twese turi Abanyarwanda”.

Ku bufatanye na Minisiteri y’Uburezi, Akarere ka Ngororero n’Urwego rushinzwe Intwari z’Igihugu, Imidari n’Impeta by’Ishimwe (CHENO), mu mwaka wa 2015 ishuri ryisumbuye ry’i Nyange ryatangiye kuvugururwa, hubakwa Igicumbi cy’Intwari z’Imena z’i Nyange. Hashyizwe ikimenyetso kiranga “ubutwari bw’Abanyeshuri b’i Nyange.

Mu mwaka wa 2020 hatangiye ishyirwa mu bikorwa ry’umushinga wo kumurika amateka y’ubutwari bw’abanyeshuri b’i Nyange ku bufatanye n’Intara ya Rhenanie Palatinat yo mu Budage