Inama y’Abaminisitiri yo ku wa 31 Ukwakira 1995, yagennye mu rwego rw’Igihugu ahagomba kuba Igicumbi cy’Intwari z’u Rwanda: ni i Remera ya Kigali iruhande rwa Stade Amahoro^.

Igicumbi cy’Intwari z’Igihugu, i Remera kigizwe n’Ibice bitatu: hari ikimenyetso cy’ubutwari, hakaba ahari imva za zimwe mu Ntwari z’Igihugu n’ibimenyetso biranga izindi Ntwari zaba izatabarutse cyangwa izikiriho.

Ku itariki ya 30 Gicurasi 2019, Urwego rushinzwe Intwari z’Igihugu, Imidari n’Impeta by’Ishimwe rwatangiye umushinga wo kwagura no kuvugurura Igicumbi cy’Intwari z’Igihugu i Remera. Imirimo yo kuvugurura ikaba ikomeje ku ubufatanye n’izindi nzego.